იუსტიციის მინისტრს, გოჩა ლორთქიფანიძეს ჰააგაში მოსამართლედ არჩევის გამო, დღის წესრიგში თანამდებობის დატოვების აუცილებლობა არ უდგას, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ მიხეილ სარჯველაძემ განაცხადა.
მისი თქმით, ამჟამად, გოჩა ლორთქიფანიძე იუსტიციის მინისტრის თანამდებობაზე მუშაობას განაგრძობს.
„რამდენადაც მაქვს ინფორმაცია, ამ დროისთვის, მას დღის წესრიგში თანამდებობის დატოვების აუცილებლობა არ უდგას. როდესაც ეს მოცემულობა შეიცვლება, პრემიერ-მინისტრის დისკრეციაა, აღნიშნულ თანამდებობაზე კონკრეტული კანდიდატურა შეარჩიოს. ჩემთვის ცნობილი არ არის, ამ თანამდებობაზე ვინ განიხილება, ან განიხილება თუ არა ვინმე”, – განაცხადა მიხეილ სარჯველაძემ.
კომენტარები