პრემიერ-მინისტრი ირაკლი ღარიბაშვილი ევროპარლამენტის საგარეო ურთიერთობათა კომიტეტის თავმჯდომარე, დევიდ მაკალისტერთან შეხვედრას სოციალურ ქსელ „ტვიტერში“ ეხმაურება.
მთავრობის მეთაური წერს, რომ საქართველოს ურყევი გადაწყვეტილებაა, განახორციელოს ყველა აუცილებელი რეფორმა, რათა 2024 წელს ევროკავშირის წევრობაზე შეიტანოს განაცხადი.
„გვქონდა ძალიან ნაყოფიერი მოლაპარაკებები დევიდ მაკალისტერთან საქართველო-ევროკავშირის ურთიერთობების რიგ საკითხებზე. მქონდა შესანიშნავი შესაძლებლობა, გამეზიარებინა ინფორმაცია ევროკავშირში ინტეგრაციის გზაზე მიღწეული პროგრესის შესახებ. საქართველოს ურყევი გადაწყვეტილებაა, განახორციელოს ყველა აუცილებელი რეფორმა, რათა შეიტანოს განაცხადი ევროკავშირის წევრობაზე 2024 წელს“, – წერს ირაკლი ღარიბაშვილი.
კომენტარები