“ბატონო გიგა, ვინ გითხრათ, რომ რეაგირების უფლება არ გვაქვს?”

ჟურნალისტი იმედა დარსალიას გამოეხმაურება, ამავე არხის ჟურნალისტ სალომე ქოქიაშვილსა და “ევროპული საქართველო”-ს წევრ გიგა ბოკერიას კამათზე.

“საზოგადოებრივი მაუწყებელი არსებობს ყველას სახსრებით და უნდა აიტანოთ კრიტიკაო, თან დებატებში არ ვართო აქ და შეკითხვებს ნუ დამისვამ, ეს ჩვენი ბრიფინგიაო და ნუ მეკამათებითო – ეს ჟურნალისტური ველურობააო.

და ყველაზე მთავარი – ჩვენი უფლებაა ასე შეგაფასოთ და თქვენ არ გაქვთ უფლება ასე ირეაგიროთო – ასე უთხრა საზოგადოებრივი მაუწყებლის ჟურნალისტ სალომე ქოქიაშვილს გიგა ბოკერიამ.

და ვინ გითხრათ, რომ რეაგირების უფლება არ გვაქვს? გვაქვს და თან როგორ. 
კიდევ ვერ ისწავლა ქართულმა პოლიტიკამ მედიასთან ურთიერთობა ბატონო გიგა?

ხომ გვინდა ერთხელ და სამუდამოდ ამ ქვეყანაში შევცვალოთ ის რაც შესაცვლელია, ხოდა დავიწყოთ “პოლიტიკური ველურობით” როგორც თქვენ ახსენეთ ბრიფინგზე . როცა ბრიფინგს ატარებთ და ბრალდებებს უყენებთ არხს , იმ არხის ჟურნალისტი კონტრშეკითხვებს

დასვამს აბა რა – ეს არის ჟურნალისტიკა და ისევ სჯობს ქვეყნის პოლიტიკური ჩიხიდან გამოყვანის გზებზე იფიქროთ.”– წერს იმედა დარსალია.