იმედი მაქვს, რომ საბოლოოდ, ყველა მიხვდება, რომ ერთადერთი სწორი გზა არის, ეს პოლიტიკური კრიზისი დავასრულოთ და პარლამენტში იყოს დებატები, – ამის შესახებ „მოქალაქეების“ წევრმა, ლევან იოსელიანმა განაცხადა.
ოპოზიციონერი დეპუტატის თქმით, ოპოზიცია ქუჩაში არ უნდა დარჩეს.
„სხდომათა დარბაზში მხოლოდ მე და ალეკო არ უნდა ვისხდეთ, რამდენი კითხვა უნდა დავსვათ ორი წუთის განმავლობაში, ორი-სამი, მეტს ხომ ვერ დავუსვამთ? საჭიროა, კითხვები დაისვას და პასუხები მოვთხოვოთ მინისტრებს. თუ ეს პროცესი მოლაპარაკებით არ მოგვარდება, დაზიანდება ქვეყანა და ოპოზიცია. ამ შემთხვევაში ოპოზიცია წარმატებული ვერ გამოვა, თუ ქუჩაში დარჩება. რა თქმა უნდა, “ქართული ოცნებაც” დაზიანდება. ოპოზიცია მნიშვნელოვნად დაზიანდება, თუ ქუჩაში დარჩება“, – განაცხადა იოსელიანმა.
კომენტარები