„მე დავიცავ ჩემს სახლს, თუ პუტინი მოვა. ჩემი სახლი კი ოდესაშია“, – ამბობს საქართველოდან გაქცეული და საქართველოს მოქალაქეობის უარმყოფელი
ავანტიურისტი სააკაშვილი! სახლისა და სამშობლოს დაცვა როგორც იცის სააკაშვილმა, მთელმა მსოფლიომ იხილა 2008 წელს, განსაკუთრებით მაშინ საფრანგეთის საგარეო საქმეთა მინისტრი კუშნერი როგორ შეატოვა დაცვას, ჯერ როგორ გარბოდა, მერე მიწაზე გართხმული როგორ იყურებოდა, ესეც გახსოვთ ალბათ… მერე კი ამართლებდნენ მისიანები და მისნაირები – ზოგი ამბობდა წაიქცაო, ზოგი – დაცვამ წააქცია შემთხვევითო, მაგრამ გაქცევის სტარტი ხომ ნაღდად მისი იყო?! – ამის შესახებ Facebook-ზე ანალიტიკოსი ლევან ნიკოლეიშვილი წერს.
„ისე, ნახეთ კიდევ რას ამბობს, რამე რომ იყოს, მე უფრო რეფორმები მეხებაო – „საერთოდ კი, რა თქმა უნდა, მე უფრო რეფორმების გატარებაზე, ქვეყნის რეფორმირებაზე ვფიქრობ… და არა მხოლოდ იმაზე, რომ ავტომატს ხელი ვტაცო და ვიღაცას ვესროლო…“ – მაინცდამაინც ომში ჩემს იმედზე ნუ იქნებითო, მე რეფორმები მეხებაო… ნაღდად ეგრეა, თუ არა თქვენ – უკრაინელებმა – ვინ იცის, სააკაშვილის რეფორმებმა როგორ ააშენა და დაამშვენა თქვენი ქვეყანა!
რაო, რაო ამერიკელებმა, ქათმებში გაგვცვალესო? … ერთი შეხედვით, თითქოს ბევრ სისულელეს და გაუაზრებელს ამბობს, თუმცა რეალურად ეს მისი სტილია-უცნაური-ავანტიურისტული და ბრიყვულ-მავნებლური!
ერთპარტიულ ოპოზიციასა და მის მცირე მომხრეებს კი ისევ სჯერათ და ეშინიათ მისი? ვინც იძახის ჩემი სახლი ოდესაშიაო? საქართველოში კი რა არის მისთვის ძვირფასი – არეულობა და რყევები, დესტაბილიზაცია და კრიზისების მოწყობა? თქვენი როლი კი რა არის ამ სცენარში?! აი, უკრაინას კი, ცხადია, ბევრ რამეში თანავუგრძნობ, მაგრამ მათ მწუხარებას, რომ სააკაშვილი ჰყავთ ნამდვილად ვერ გავიზიარებ...“ – წერს ნიკოლეიშვილი.