ექსპერტი ზაალ ანჯაფარიძე „ქართული ოცნების“ თავმჯდომარის ინტერვიუს სოციალურ ქსელში ეხმიანება.
„გუშინ “ქართული ოცნების” თავმჯდომარის მიერ გაჟღერდა რამდენიმე საკმაოდ მნიშვნელოვანი ინფორმაცია, მათ შორის, თავდაცვისა და შინაგან საქმეთა სამინისტროებში არსებულ ჯგუფებზე, რომლებიც ჩართული იყვნენ თებერვალში დაგეგმილ და ვერშემდგარ სახელმწიფო გადატრიალებაში. ვფიქრობ პროკურატურა უნდა დაინტერესდეს ამ ადამიანებით, რადგანაც ამ სტრუქტურებში მათი ყოფნა არათუ პოტენციურ, რეალურ საფრთხეს უქმნის სახელმწიფოს“, – წერს ზაალ ანჯაფარიძე.
„ქართული ოცნების“ თავმჯდომარის, ირაკლი კობახიძის განცხადებით, კიევიდან მათ შეატყობინეს, რომ „ნაცმოძრაობას“ ხელისუფლების აყირავების გეგმის სისრულეში მოყვანისთვის 2 დღე სჭირდებოდა, და სწორედ 2 დღით ითხოვდა გიორგი გახარია ნიკა მელიას დაკავების გადადებას, რაც საეჭვოდ დაემთხვა ერთმანეთს.