“ბიძინა ივანიშვილის განცხადების მერე ყველა კითხვას პასუხი გაეცა”

ბიძინა ივანიშვილის განცხადების მერე ყველა კითხვას პასუხი გაეცა, – ამის შესახებ ვლადიმერ ბოჟაძე სოციალურ ქსელში წერს.

„ბიძინა ივანიშვილის განცხადების მერე ყველა კითხვას პასუხი გაეცა. მან მკაფიოდ თქვა, რომ 18 თებერვალს გიორგი გახარიას გადადგომა იყო, პირველ რიგში, სახელმწიფო ინტერესების ღალატი, კანონის უზენაესობის პრინციპის ღალატი და მერე იმ პოლიტიკური გუნდის, ვინც ის პოლიტიკაში მოიყვანა.

გახარიას გადადგომა იყო იმ ამომრჩევლების ღალატი, ვისაც მისი სჯეროდა… სჯეროდა, რომ დაასრულებდა პანდემიით გამოწვეულ კრიზისს, დაასრულებდა ხელოვნურად გამოწვეულ პოლიტიკურ კრიზისსა და ამ კრიზისის გამომწვევ, „ნაციონალურ მოძრაობას“. წილი საბოლოოდ ნაყარია და გადამწყვეტ სიტყვას ისევე როგორც ყოველთვის 2012 წლიდან, იტყვის „მისი აღმატებულება ამომრჩეველი“!, – წერს ბოჟაძე.

ყოფილმა პრემიერ-მინისტრმა და პარტია „ქართული ოცნების“ დამფუძნებელმა, ბიძინა ივანიშვილმა დღეს განცხადება გაავრცელა.