21 ივნისს, 37 წლის ასაკში ჟურნალისტი კობა ალხაზაშვილი გარდაიცვალა.
ჟურნალისტი სწრაფად პროგრესირებად ავთვისებიან სიმსივნეს ნახევარი წელი ებრძოდა.
რამდენიმე დღის წინ ის სამკურნალოდ თურქეთში, სტამბოლში გაემგზავრა, თუმცა ექიმებმა ჟურნალისტის გადარჩენა ვერ შეძლეს.
ჟურნალისტი თათია ზუხბაია კობა ალხაზიშვილის გარდაცვალებას ეხმაურება და სოციალურ ქსელში ემოციურს სტატუსს აქვეყნებს.
„შენ ალბათ ახლა სოხუმში ხარ.. ლურჯი ზღვის სანაპიროსთან, იქვე „პინგვინში” ხვიშაში მოხარშულ ყავას გიმზადებენ. მზეც ისეთი ცხელია, მაგრამ კი არ გწვავს, გეფერება.
შენი თვალები ახლა მშობლიური ცის ფერია! მობილური უკვე გათიშე და ზღვაში ჩააგდე!
საღამოს „ამრაში“ ვახშამი გაქვს მნიშვნელოვან ადამიანებს უნდა შეხვდე, ყველაზე (უფრო) ძალიან ალბათ მამაშენი გაინტერესებს..
სიმართლეს გეტყვი, ცუდი გრძნობაა, რომ ჩვენთან აღარ ხარ… მაგრამ იმედი მაქვს რომ უფრო კარგად ხარ!
ნუ დაგვივიწყებ ხანდახან მოდი,“- წერს თათია ზუხბაია.