,,მთავრობის მეთაურის, ირაკლი ღარიბაშვილის მოსაზრებები “ღირსების მარშის” სხვა ადგილზე ჩატარების მიზანშეწონილობაზე შეესაბამება საზოგადოების უდიდესი ნაწილის პოზიციას. როგორ ილახება ლგბტქ+ თემის გამოხატვის თავისუფლება თუ მათ საერთოდ კი არ უკრძალავენ საჯარო სივრცეში პოზიციის დაფიქსირებას, არამედ მასობრივი დაპირისპირების მაღალი რისკიდან გამომდინარე, სთავაზობენ სხვა ლოკაციას?’’, – ასე ეხმიანება ანალიტიკოსი, გია აბაშიძე სოციალურ ქსელში ,,თბილისი პრაიდთან“ დაკავშირებულ პროცესებს.
ანალიტიკოსის აზრით, ნებისმიერი ძალადობა მიუღებელია, დაპირისპირება მხოლოდ აწყობს ქვეყნის შიგნით “ნაციონალურ მოძრაობას” და მის გარეთ – ოკუპანტ რუსეთს.
,,მთავრობის მეთაურის, ირაკლი ღარიბაშვილის მოსაზრებები “ღირსების მარშის” სხვა ადგილზე ჩატარების მიზანშეწონილობაზე, შეესაბამება საზოგადოების უდიდესი ნაწილის პოზიციას. როგორ ილახება ლგბტქ+ თემის გამოხატვის თავისუფლება თუ მათ საერთოდ კი არ უკრძალავენ საჯარო სივრცეში პოზიციის დაფიქსირებას, არამედ მასობრივი დაპირისპირების მაღალი რისკიდან გამომდინარე, სთავაზობენ სხვა ლოკაციას? როგორც ვნახეთ, 5 ივლისამდე, “პრაიდის” სხვა ღონისძიებებმა სანიმუშო საპოლიციო დაცვით ჩაიარა, მაქსიმალურად აღიკვეთა ექსცესები. დღეს კი, როგორც ვხედავთ, მოსალოდნელია მასობრივი დაპირისპირება და რა, ჯარი გამოიყვანოს ხელისუფლებამ?! გამოხატვის თავისუფლება აქვს ყველას, მათ შორის “პრაიდის” მომხრესაც და მოწინააღმდეგესაც. ფიზიკური ანგარიშსწორება და ერთმანეთისადმი საგნების სროლა მიუღებელია! ეს 2X2=4!
მერამდენედ ვწერ – 1948 წლის გაეროს გენერალური ასამბლეის მიერ მიღებულ ადამიანის უფლებათა საყოველთაო დეკლარაციის 29-ე მუხლში აღნიშნულია – ადამიანს უფლებები დაბადებიდან გააჩნია, მაგრამ საკუთარი უფლებების განხორციელებისას ადამიანს ასევე აქვს ვალდებულება უზრუნველყოს სხვათა უფლებებისა და თავისუფლებების ჯეროვანი აღიარება და პატივისცემა, რათა დაკმაყოფილდეს ზნეობის, საზოგადოებრივი წესრიგისა და საერთო კეთილდღეობის სამართლიანი მოთხოვნები.
თუ შენი გამოხატვის თავისუფლება მიუღებელია საზოგადოების დიდი ნაწილისთვის და ამასთან, რისკის ქვეშ აყენებ იმ ადამიანთა ჯგუფის ჯანმრთელობასა და უსაფრთხოებას, რომელთა უფლებებს გგონია, რომ იცავ, მაშინ ფუჭი და კონტრპროდუქტიულია ამგვარი აქცია ამ ეტაპზე.
აგრესიული მასობრივი დაპირისპირება ქვეყნის შიგნით აწყობს “ნაციონალურ მოძრაობას” და მის გარეთ – ოკუპანტ რუსეთს. ესეც 2X2=4!
ნებისმიერი ძალადობა კატეგორიულად მიუღებელია! გამოხატვის თავისუფლება და სოლიდარობა ეფექტურია, როცა ის არ ავნებს სხვათა უფლებებს და განსაკუთრებით მათ, ვინც რეალურად დასაცავია, ოღონდ სხვა გზებით და არა გამაღიზიანებელი აქციებით.
– წერს ანალიტიკოსი გია აბაშიძე facebook გვერდზე.
