“დღეს ვინც ფიზიკურად იძალადეთ მედიის წარმომადგენლებზე, ხართ არაკაცები”, – ამის შესახებ ჟურნალისტი, გელა ებანოიძე სოციალურ ქსელში წერს.
მისი თქმით, მოძალადეებს ეს არ შერჩებათ.
,,ვაცხადებ: დღეს ვინც ფიზიკურად იძალადეთ მედიის წარმომადგენლებზე, ხართ არაკაცები! მე დღეს თქვენგან გალახული და სისხლიანი ვარ, მაგრამ არამგონია, შეგრჩეთ!
40 წელია, მედიაში ვარ და ასეთი არც მინახავს და არც მსმენია – ასე გამეტება მედიის ახალგაზრდა წარმომადგენლების.
ვისზე ძალადობთ, თქვე ცხოველებო, ახალგაზრდა ჟურნალისტებსა და ოპერატორებზე?! შვილის ტოლა გოგო – ბიჭებზე?!
საბედნიეროდ, ჩემი სააგენტოს არცერთი რეპორტიორი არ დაზარალებულა, ისინი დროულად გამოვაცალე ამ ბრბოს, მაგრამ მე ახლა იმ ჩემი უმცროსი კოლეგების მტკივა და მაწუხებს.
ჯანმრთელობას გისურვებთ”, – წერს გელა ებანოიძე.
შეგახსენებთ, “თბილისი პრაიდის” კონტრაქციაზე მისული ადამიანები თავს დაესხნენ ჟურნალისტებს, დაარბიეს კარვები, ასევე, ქვები დაუშინეს და დაარბიეს “სირცხვილიას” ოფისი, ამის შემდეგ კი “თბილისი პრაიდის” ოფისში შეიჭრნენ და აივნიდან გადმოფენილი ლგბტქ დროშა გაანადგურეს.