სოციალურ ქსელში გავრცელდა ვიდეო, სადაც ასახულია მოძრაობა „სირცხვილიას“ ერთ-ერთი აქტივისტის სატელეფონო საუბარი, ვარლამ გოლეთიანთან.
სამოქალაქო აქტივისტი გოლეთიანს თბილისში, ძალადობრივი ჯგუფის მიერ დაორგანიზებულ აქციაში მონაწილეობის გამო საყვედურობს.
„შენ რომ ამის მხარდასაჭერად ჩამოდიხარ, ხარ ფარისეველი, ძაან გული მწყდება, რომ ესე შევცდი ადამიანში… საპატრიარქომ რომ მოგიწოდოს ადამიანი მოკალიო, მოკლავ? ამდენი ლაივი ჩართე ამ 250 დღის განმავლობაში და ერთი ლაივი, რომ ჩაგერთო და გეთქვა, მიუღებელია ხალხო ამდენი ძალადობა, ამას არც ქრისტე ქადაგებს და არც არავინო გეთქვა, რა დაგემართება….– მიმართავს ის ვარლამ გოლეთიანს და „რიონის ხეობის მცველს“ იქვე მოუწოდებს, ნახოს, რა ხდება რუსთაველზე ძალადობრივი ჯგუფების მიერ დაორგანიზებულ აქციაზე.
ცნობისთვის: „თბილისი პრაიდის“ ჩაშლის მიზნით ორგანიზებული აქციის მონაწილეები ფიზიკურად გაუსწორდნენ მედიის წარმომადგენელს. დაზარალდა 53 ჟურნალისტი და ოპერატორი.