ფეისბუქგვერდი “ზუგდიდი Times” ემოციურ პოსტს აქვეყნებს, რომლითაც მეგობარს ემშვიდობება.
“ერეკლეს მეზარბაზნეები არა ჰყავსო”-ასე მაქვს წარმოდგენილი მერაბის წასვლის მერე ზუგდიდი.
წავიდა ზუგდიდის დიდი გულშემატკივარი, უანგაროდ მოყვარული კაცი, რომელიც თავისიანსაც და სხვასაც ერთნაირად სთხოვდა პასუხს თუ კი რამ ქალაქისთვის მიუღებელი ხდებოდა ან იგეგმებოდა გაკეთება.
წავიდა მართალი კაცი, კაცი რომელიც სამუდამოდ დააკლდება ქალაქს.
წავიდა ზუგდიდის კოლორიტი, რომელსაც ბავშვივით უხაროდა თითოეული ქალაქისთვის ან ზოგადად ზუგდიდისათვის გაკეთებული საქმე.
რამდენჯერ მთხოვა ზუგდიდი-ნარაზენის გზის სამუშაოებისათვის ვიდეოს გადაღება, ნახულობდა და უხაროდა რა კარგად კეთდებაო.
პირველმა მერაბმა მახარა თქვენს უბანში წყლის პრობლემა მოგვარდება მალე, ტენდერია გამოცხადებულიო.
კლინიკაში მოხვედრამდე რამდენიმე დღით ადრე გამომიგზავნა ცვანეს გზის ვიდეო, აღტაცებას ვერ მალავდა.
მერაბს ვერავინ ჩაანაცვლებს, მაგრამ იმედი მაქვს ზუგდიდი Times-ი დარჩება სიმართლის და ჭეშმარიტების მღაღადებლად.
უფალს ებარებოდე უფროსო მეგობარო”, – ნათქვამია განცხადებაში.