ანალიტიკოსი დავით ქართველიშვილი ტელეკომპანია “პირველის” მიერ გავრცელებულ ინფორმაციას ეხმაურება, სადაც ნათქვამია, რომ “ქართული ოცნების” გურიის რეგიონულმა უფროსმა გიორგი ხავთასმა თანამდებობა დატოვა და ყოფილი პრემიერის, გახარია გუნდს შეურთდა. ანალიტიკოსი წერს, რომ ხავთასი არასდროს ყოფილა პარტიაში მაღალ თანამდებობაზე და ის “ოცნებიდან” 1 წლის წინ, ინფორმაციის გატანის და უღირსი საქციელის გამო გარიცხეს.
“ხავთასი არასოდეს ყოფილა არც პარტიის უფროსი და არც მაღალჩინოსანი. სხვათაშორის ოცნებიდან 1 წლის წინ, ინფორმაციის გატანის და უღირსი საქციელის გამო გარიცხეს. მსგავსი ტყუილებით ამარაგებს გოგაშვილიც და გახარიაც ჭუტა ტვ-ს. სხვათაშორის, გახარია და გოგაშვილი ერთმანეთს არასწორ საქციელშიც დაემსგავსნენ და ლუზერობაშიც”,- წერს დავით ქართველიშვილი.
კომენტარები