გახარიას მთავრობის დროს დააკავეს ადამიანი სამართალდარღვევის გამო და მაშინ არავის გასჩენია აზრი გაეპროტესტებინა. ან როდიდან გახდა ბართაია პოლიტიკური პერსონა, იარლიყი რომ მიაკერეს? – ამის შესახებ Facebook-ზე ანალიტიკოსი ზურაბ ქადაგიძე წერს.
„ამ ბართაიას თემა რომ დაიხვია გახარიას გუნდმა, ცოტა არ ეუხერხულებათ? ბოლო-ბოლო გახარიას მთავრობის დროს დააკავეს ადამიანი სამართალდარღვევის გამო და მაშინ არავის გასჩენია აზრი გაეპროტესტებინა. ან როდიდან გახდა ბართაია პოლიტიკური პერსონა, იარლიყი რომ მიაკერეს?
ვერ გარკვეულა ბატონი გიორგი გახარია, როგორი სტრატეგია აირჩიოს… ხან სახელმწიფო ინსტიტუტების დისკრედიტირებითაა დაკავებული,ხან მთავრობის და ხან ბოდიშებს იხდის ძველი „ცოდვების“ გამო.
დაცვას მიხედე, ბატონო გიორგი, დაცვას… 2 ოქტომბერს სადმე საკუთარ არარსებულ რეიტინგებში არ გაიხლართო“, – წერს ზურაბ ქადაგიძე.