ცნობილი დიზაინერები ანუკი არეშიძე და ნინა ზარქუა ერთმანეთს სამი წლის წინ დაშორდნენ. საუკეთესო მეგობრების დაშორების მიზეზი საზოგადოებისთვის დღემდე უცნობია. თავად ნინასა და ანუკისთვის ცალ-ცალკე ბევრჯერ დაუსვამთ კითხვა, რა იყო მათი დაშორების მიზეზი, რადგან წლების წინ ისინი მუდამ ერთად იყვნენ – შოპინგი, გართობა, მოდის სფერო თუ სხვა. თუმცა ისინი ამ თემაზე ღიად არ საუბრობენ.
რამდენიმე თვის წინ ანუკი არეშიძე ფოტოგრაფ მარი ნაკანის „ინტაგრამ ლაივში“ იყო სტუმრად, სადაც წამყვანი დაინტერესდა, როდის შეურიგდებოდა ზარქუას.
„ეს ცოტა ისეთი თემაა, რომელიც 2018 წლის 2 დეკემბერს საბოლოოდ დაილუქა“, – ასე უპასუხა ანუკი არეშიძემ ნაკანს.
ახლა, როგორც ჩანს, ძველმა მეგობრებმა ურთიერთობა აღადგინეს, ყოველ შემთხვევაში, ნინა ზარქუას „ინსტაგრამის“ „სთორიზე“ გამოქვეყნებულ ვიდეოში ჩანს, რომ მისი უმცროსი ვაჟის დაბადების დღეზე სტუმრად ანუკი არეშიძის ვაჟები – ბიბი, ბუბუ და ვაჩე იმყოფებოდნენ. სახალისო ვიდეოში, სადაც ბიჭუნა საზეიმოდ ტეხავს ყულაბას, ბიჭების აღფრთოვანებული რეაქციები ჩანს.