“მიხეილ სააკაშვილისა და თაკო ჩარკვიანის ერთობლივი ქმედებები ნიშნავს, რომ ისინი არჩევნებისთვის კი არა, არეულობისთვის ემზადებიან“

მე-17 თუ მე-18 შემთხვევაა, როდესაც ეს კაცი ჩამოსვლით იმუქრება, – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ მიხეილ სააკაშვილზე საუბრისას განაცხადა.

მისი თქმით, განაჩენები, რომელიც სააკაშვილის მიმართ გამოვიდა – აღსასრულებელია

„მიხეილ სააკაშვილისა და თაკო ჩარკვიანის ერთობლივი ქმედებები ნიშნავს ერთ რამეს, – ისინი არჩევნებისთვის კი არა, არეულობისთვის ემზადებიან, ეს სცენები ბევრი გვახსოვს. მე-17 თუ მე-18 შემთხვევაა, როდესაც ეს კაცი ჩამოსვლით იმუქრება. განაჩენი, რომელიც ამ ადამიანის მიმართ, სანდრო გირგვლიანისა და სხვა საქმეებზე გამოვიდა, არის აღსასრულებელი“, – განაცხადა მამუკა მდინარაძემ.