„გამოდის, რომ ეკლესია, რომელმაც ქვეყანა 2000 წელი ატარა, ყველაზე დიდი საფრთხეა?.. არ ვიცი, ეს ერთმანეთში ვერ ჯდება“, – ასე ეხმაურება სამების საკათედრო ტაძრის მღვდელმსახური იოვანე (მჭედლიშვილი) მედიაში გავრცელებული ფარულ ჩანაწერების საკითხს. მისი თქმით, საჭიროა გამოძიებით დადგინდეს ჩანაწერების ნამდვილობა.
„ეს გამოძიებამ უნდა დაადასტუროს. თუ ეს დადასტურდა, არის საშინელება და მიუღებელი. სუსი არის სახელმწიფო უსაფრთხოების სამსახური. გამოდის, რომ ეკლესია, რომელმაც ქვეყანა 2000 წელი ატარა, ყველაზე დიდი საფრთხეა?.. არ ვიცი, ეს ერთმანეთში ვერ ჯდება. ამაში მზაკვრობა – სიმართლესთან ერთად, არის ტყუილებიც და ტყუილების სიმართლესთან შეზავება სწორ პასუხს ვერ მოგვცემს. თუ ეს ყველაფერი აუთენტიკური და ნამდვილია და მე დავარღვიე კანონი, პასუხი უნდა ვაგო. მე ჩემს თავზე ვამბობ. სხვაზე რა ვთქვა?“, – ამბობს სასულიერო პირი.
მედიაში გავრცელდა ჩანაწერები, რომლებშიც, სასულიერო პირებიც ფიგურირებენ. გავრცელებული მასალის აუთენტიკურობა ჯერ დადასტურებული არაა.