ინფექციური პათოლოგიის და შიდსის ცენტრის მიმღები განყოფილების გამგის მაია ზალდასტანიშვილის განცხადებით, პირი რომელიც ვაქცინირებული არ არის საკუთარ და მის გარშემო მყოფი ადამიანების სიცოცხლეს “სასწორზე დებს”.
“ფაქტია, რომ ამ რეგულაციებმა, თუნდაც ის, რომ გაიზარდა ვაქცინირებულთა რაოდენობა – ეს მოვიპოვეთ, რომ შემცირდა ინფიცირებულთა რაოდენობა.
ჯერ ერთი ის, რომ ადამიანი არ იცრება, არ არის ვაქცინირებული და ნაწილი მოსახლეობის ვაქცინირებულია, ამან შეიძლება კიდევ უფრო გაახშიროს და გააძლიეროს მუტაცია ვირუსის. ამაზეც ვიფიქროთ და თვითონ პიროვნება, ვინც ვაქცინირებული არ არის, სასწორზე დებს თავის თავსაც და ასევე მის ახლობლებს.
ამიტომ, ჩვენც ექიმებმაც, ყველა სიტყვა ჩვენი მოვზომოთ, დავფიქრდეთ და ისე ვთქვათ ხმამაღლა, რომ არ მივიდეთ სავალალო შედეგამდე და კიდევ არ ავარდეს ეს ინფიცირებულთა რიცხვი და არ ჩავარდეს კლინიკა გაუსაძლის მდგომარეობაში,” – განაცხადა მაია ზალდასტანიშვილმა “კურიერთან” საუბრისას.