მე სააკაშვილის სისხლიანი სექტისგან და რეჟიმისგან 9 წელი ვიყავი ძებნილი სრულიად უმიზეზოდ. ვერაფერი რომ ვერ მომიძებნეს საზოგადოებრივი დარღვევის მუხლით დაუსწრებლად მომისაჯეს ის, რაც მომისაჯეს. რა თქმა უნდა, ხელში კრავივით ვერ ჩვუარდებოდი და საქართველო დავტოვე, – ამის შესახებ დამოუკიდებელმა პოლიტიკოსმა, გიგლა ბარამიძემ „ქრონიკის“ ეთერში განაცხადა.
„ნიშნის მოგებით არასოდეს მილაპარაკია ამ სისხლიან 9 წელზე. ისინი პარტიაც აღარ არიან, ეს არის იზუვერული სექტა, ვგულისხმობ „ნაციონალურ მოძრაობას“. მათი მხარდამჭერების ბრმადმორწმუნედ მიყვებიან ამ სექტის მორიგ ფარისევლურ ქცევებს. პირად კონტექსტში არასოდეს მდომებია მათი დასჯა, მეც და იმ ათასობით ადამიანსაც, რომლებიც გაწამებული იყვნენ საქართველოში სააკაშვილის რეჟიმით, სურვილი გვქონდა, რომ სამართლიანობა აღდგენილიყო და დამნაშავე დასჯილიყო. აქ პიროვნებებზე არ არის საუბარი, კონკრეტულად საერთაშორისო მაწანწალა სააკაშვილს არ ვგულისხმობ, ვგულისხმობ იმ სისტემასა და იმ სისტემის შემქმნელებს, როგორიც გვერდით უზის სააკაშვილს მეგის ქარდავას სახით“, – განაცხადა გიგლა ბარამიძემ.