„ნაციონალურ მოძრაობას“ ამ ქვეყანაში, სამწუხაროდ, 500 ათასზე მეტმა ადამიანმა მისცა ხმა. ეს ნიშნავს, რომ მათ ამდენი პოტენციური მხარდამჭერი და პოტენციური აქციაზე გამომსვლელი ჰყავთ. რამდენი ადამიანი გამოვიდა აქციაზე, არ აქვს მნიშვნელობა, ჩვენ მათი მხარდამჭერების რაოდენობა ვიცით”, – ამის შესახებ საპარლამენტო უმრავლესობის წევრმა, ბექა დავითულიანმა, „ქრონიკაში“, ოპოზიციის მიერ გამართული აქციების შეფასებისას განაცხადა.
„იქ მისული ადამიანები პატივს არ სცემენ მართლმსაჯულებას, პატივს არ სცემენ იმ რეჟიმის მსხვერპლებს. ეს არის აქ სამწუხარო. გუშინ ჩვენ ვიხილეთ რამდენიმე ათასი ადამიანი, რომელთა პროტესტიც მიმართულია მიხეილ სააკაშვილის პატიმრობაზე. ანუ ეპატიოს მას ის ძალადობრივი დანაშაულები, რაც ჩაიდინა. რაზეა ის მსჯავრდებული, გირგვლიანისა და ვალერი გელაშვილის საქმეზე. მათ უნდათ, რომ სააკაშვილს ეს გავუტაროთ. ისინი, ჩემდა სამწუხაროდ, მისი თანმზრახველები გახდნენ“, – განაცხადა ბექა დავიტულიანმა.
სააკაშვილის გათავისუფლების მოთხოვნით, გუშინ თავისუფლების მოედანზე ხალხმრავალი საპროტესტო აქცია გაიმართა.