დღევანდელი აქცია ძალიან მნიშვნელოვანია, ნამდვილად ვერ წარმოვიდგენდი ამდენი წლის მერე კიდევ თუ დაგვჭირდებოდა ასეთი აქციები, – ამის შესახებ 2008 წელს მოკლული გიორგი გამცემლიძის დედამ, გულიკო გამცემლიძემ განაცხადა.
მისი თქმით, დღეს სიმბოლური აქცია იმართება.
„ქართული საზოგადოება არ არის ისეთი გონებაჩლუნგი, რომ 30-ში გადაწყეტილება უმრავლესობით არ მიიღოს და არ დავამარცხოთ „ნაციონალური მოძრაობა“. აუცილებელია, რომ 30 ოქტომბერს ბევრი გამოვიდეს. ძალიან ბევრი ადამიანია ჩემ ირგვლივ, ვინც პირდაპირ მოითხოვს მიშა სააკაშვილის გასამართლებას. მიშას საწინააღმდეგო აქცია უნდა ჩავატაროთ დღეს. აუცილებლად უნდა ვანახოთ მიშას მომხრეებს, რომ ჩვენ ვართ ძალიან ბევრნი და გამარჯვება აუცილებლად ჩვენსკენ იქნება“, – განაცხადა გამცემლიძემ.
დღეს, 17:00 საათზე თავისუფლების მოედნაზე „ქართული ოცნება“ შემაჯამებელ საარჩევნო აქციას გამართავს.