ექსპერტმა, პეტრე მამრაძემ “ჯორჯიან თაიმსის” გადაცემაში “რეალურ პოლიტიკაში” საქართველოს ტერიტორიული მთლიანობის რღვევის შესახებ საუბრისას ექსკლუზიური ინფორმაცია გააჟღერა.
მამრაძის ინფორმაციით, მიხეილ სააკაშვილის ბიძამ, თემურ ალასანიამ ერთ-ერთ ოჯახში სტუმრობისას თქვა, რომ – “მორჩა და გათავდა, მოველაპარაკეთ ამერიკელებს, მოველაპარაკეთ კრემლს, შევდივართ ცხინვალში და ვამთავრებთ ყველაფერსო.”
“საკმაოდ რთული რამ არის იმიტომ, რომ ზედაპირზე დევს რაც მათ ჩაიდინეს 2008 წელს და ეს იყო კულმინაცია. ეს არ იყო რაღაცა 7 აგვისტოს გადაწყვეტილი რამ. მოგეხსენებათ, 2004 წელს ამისკენ მიდიოდნენ, ყველაფერი მზად იყო. ბოლო მომენტში გაჩერდა სააკაშვილი, როცა 58-ე არმია უკვე არ შედიოდა და წამოვიდა, აჩვენებდა ამას ტელევიზია, მაგრამ ის 19 აგვისტოს გაიყვანა. მათ შორის ამერიკელების დაჟინებული მოთხოვნით. 2005 წელს უკვე ძალიან რთული იყო. 2005 წლის, 13 იანვარს, არ მომიყოლია ჯერ და აქ მინდა ვთქვა, თბილისში, ერთ-ერთ ცნობილ ოჯახში, აი ბომონდს, რომ ვუწოდებთ იყო მისული მიხეილ სააკაშვილის ბიძა, თემურ ალასანია. ამას ის ამბობდა ყველგან, მაგრამ იქ არაერთი ცნობილი ადამიანი იჯდა და მან [თემურ ალასანიამ] თქვა, მორჩა და გათავდა, მოველაპარაკეთ ამერიკელებს, მოველაპარაკეთ კრემლს, შევდივართ ცხინვალში და ვამთავრებთ ყველაფერსო. მწვანე შუქი ანთებულია!
ეს 2005 წლის იანვარია და 2008-ში მოგეხსენებათ, რომ 7 აგვისტოს გამოვიდა თემურ იაკობაშვილი, ნამდვილი მოღალატე და მან ამცნო ტელევიზიით საქართველოს მოსახლეობას, რომ ხალხო, ვერც კი გეუბნებით იმას, როგორ გვეხმარება კულახმეტოვი. მაგრამ გეტყვით მერე. კულახმეტოვმა დარეკა ცენტრში და თქვა, ქართველები ძალიან დიდ ფულს მთავაზობენო. არმახსოვს ახლა 4-5 მილიონზე იყო საუბარი. მეუბნებიანო, რომ ეს ფული აიღე და გაგვატარეო და როგორ მოვიქცეო? ცოტახნის მერე კულახმეტომა ზარი მიიღო – “აიღე ფული და გაატარეო.” ფული, რა თქმა უნდა, ჩაბარდა და მერე კულახმეტოვი ჩამოვიდა, როგორც რუსეთის სრულუფლებიან ელჩად სამხრეთ ოსეთის რუსეთის მიერ აღირებულ რესპუბლიკაში. ამ დროს სააკაშვილი იჯდა რუკასთან და ამბობდა ცხინვალს ავიღებ ერთ საათში, თუ საათ ნახევარში, როკის გვირაბს გადავკეტავ ორ საათში და მერე ამერიკაც და რუსეთიც შეეგუოს ახალ რეალობასო! – აი, სიგიჟის მომენტი…
მაგრამ ისევ მიხეილ სააკაშვილის ბიძაზე გადაველ. იქ 2005 წელს მას უთხრეს: – კი მაგრამ, თემური შენ, რომ ამას ამბობს, ახლა ჟვანია კოკოითს ხვდება, რაღაცას ხელს აწერენ, მშვიდობიანი პროცესია და რა გამოდის ზურაბ ჟვანია ხელს გიშლით?! მან [თემურ ალასანიამ] თავისი მანერით აწია სახე და თქვა, “სულ მალე ჟვანია ხელს ვერ შეგვიშლისო!” – ეს ხდება 13 იანვარს და 3 თებერვალს ზურაბ ჟვანია დაიღუპა. მე არასოდეს ვამტკიცებ, რომ ზურაბ ჟვანია მოკლულია. ვერ მივიღე ამის, რასაც ქვია დამადსტურებელი მტკიცებულება. მათ შორის “ქართული ოცნების” გამოძიების შედეგად ეს არ დაიდო, მაგრამ გეუბნებით, თემურ ალასანიას აი, ეს სიტყვები – “სულ მალე ჟვანია ხელს არ შეგვიშლის” და გასულია სამი კვირა და ვეღა შეუშლის ხომ…” – განცხადა პეტრე მამარაძემ.