ნიკო ლეკიშვილმა გადაცემა „იმედი LIVE“-ში კახა კალაძის მიერ განხორციელებულ პროექტებზე ისაუბრა. თბილისის ყოფილმა მერმა აღნიშნა, რომ კახა კალაძემ ქალაქისთვის ბევრი კარგი საქმე გააკეთა.
„ეს ოთხი წელი ძალიან კარგი იყო თბილისისთვის, ძალიან ბევრი ისეთ რამ განხორციელდა, რამაც მოაწესრიგა ჩვენი ქალაქის ქაოტური განვითარება. ჩემთვის პირველი იყო, რომ მიიღეს თბილისის განვითარების გენერალური გეგმა, რომელმაც, ფაქტობრივად, დაასრულა ის ქაოტური მშენებლობები, რომელიც თბილისში იყო, განხორციელდა სერიოზული პროგრამები: ტრანსპორტის განვითარების, ეკოლოგიური, კომუნალური სამუშაოები, რომელიც ძალიან მნიშვნელოვანი იყო ქალაქისთვის. ტრანსპორტის გამოცვლა, მარტო ის კი არ არის, რომ ხალხს მიეცა კომფორტულად გადაადგილების საშუალება, ეს არის ქალაქის გარე იერიც. წარმოიდგინეთ ახლა ის ძველი, ყვითელი ავტობუსები და ახლა ის ავტობუსები, რომელიც ახლა ქალაქში დადის. ვაფასებ იმას, რომ გაკეთდა ახალი გზები“, – განაცხადა ნიკო ლეკიშვილმა გადაცემა „იმედი LIVE“-ში.