მოშიმშილე პატიმართან ურთიერთობას აქვს თავისი პროტოკოლი. მიხეილ სააკაშვილს ამ პროტოკოლის შესაბამისად ყოველ ჯერზე უნდა შეეთავაზოს საკვები, რასაც ჩვენ ბუნებრივია ვაკეთებთ. ამავდროულად, სამედიცინო პერსონალმა უნდა აუხსნას თუ რა მავნე შედეგები შეიძლება იქონიოს შიმშილობამ ადამიანის ჯანმრთელობაზე, – ამის შესახებ იუსტიციის მინისტრმა, რატი ბრეგაძემ „ქრონიკაში“ განაცხადა.
„პრევენციისა და მიხეილ სააკაშვილის ჯანმრთელობის დამძიმების გამოსარიცხად, თუ გადაუდებელი სამედიცინო დახმარება გახდება საჭირო, მორიგეობს რეანიმობილი, შენობაში მუდმივად, 24 საათის განმავლობაში იმყოფებიან რეანიმობილის თანამშრომლები. მინდა მადლობა გადავუხადო თითოეულ ექიმსა და ჯანდაცვის სამინისტროს. თუ გადაუდებელი დახმარება გახდება საჭირო, ეს დახმარება მას გაეწევა ადგილზევე“, – აღნიშნა რატი ბრეგაძემ.