“დანაშაულის დამალვა თუ დასჯადია, ქალბატონი ჯიშკარიანი ციხეში უნდა იჯდეს” – გია ბერეჟიანი საკუთარი პატიმრობის ისტორიას იხსენებს

სამოქალაქო აქტივისტი, ყოფილი პატიმარი გია ბერეჟიანი საკუთარი პატიმრობისა და ცენტრ „ემპათიასთან“ ურთიერთობის ისტორიას სოციალურ ქსელში იხსენებს.
„როცა ციხეში მართლა წამების შედეგებმა შემაწუხა, მივედი ევროკავშირის მიერ დაფინანსებულ ცენტრ „ემპათიაში“, სადაც ხელმძღვანელს შევხვდი.
მე მას დაწვრილებით მოვუყევი, არამარტო საკუთარ თავზე, მოვუყევი იმ ოთხი პატიმრის შესახებ, რომლებიც ჩემს თვალწინ წამებით იქნენ მოკლულები მიხოს სადისტების მიერ.
გარდა ამისა გავაგებინე რა დღეში არიან ავადმყოფი პატიმრები,“- წერს გია ბერეჟიანი და ამბობს, რომ ცენტრის მაშინდელ ხელმძღვანელს მარიამ ჯიშკარიანს, პატიმრების დასახმარებლად არაფერი გაუკეთებია.

„ვინმეს გსმენიათ მისგან აღშფოთებული გამოსვლა? რა დონის ნამუსგარეცხილი უნდა იყოს ადამიანი, რომელმაც ზეპირად იცის როგორ აწამებინებდა მიხო ადამიანებს და დღეს მიხოს ტუტუცურ ვიხოდკებს, ნადზორების შეურაცხყოფებს, პატიმრის წამებას ეძახის.
ალბათ მიხვდით ვისზე ვლაპარაკობ, სათნოების და ემპათიურობის სიმბოლოზე, მარიამ ჯიშკარიანზე.
ვინც მიშისტი, სავარაუდოდ კუდის ოფიცერი წამების მსხვერპლთა არასამთავრობოს დირექტორად დააყენა ადრე, ხომ მოსაკლავია, მაგრამ ის კრეტინებიც ხომ მოსაკლავები არიან, ვინც 2012-ის მერე არ მიმართა ევროკავშირს მაგ დედაკაცის წინააღმდეგ სარჩელით.
დანაშაულის დამალვა თუ დასჯადია, ქალბატონი მარინა ციხეში უნდა იჯდეს,“- წერს გია ბერეჟიანი.