მოხალისეთა ბატალიონ “კარპატსკა სიჩიმ” გაასაჯაროვა უკრაინაში დაღუპული კიდევ ერთი ქართველის ვინაობა. ამ ბატალიონის მებრძოლი, 46 წლის ვიტალი ორბელაძე ხარკოვის ოლქში, იზიუმში, 23 აპრილს დაიღუპა, თუმცა ინფორმაცია ამასთან დაკავშირებით მოგვიანებით გავრცელდა.
ვიტალი ორბელაძე კიევში ცხოვრობდა. მას მეუღლე, 6 შვილი და 4 შვილიშვილი დარჩა.
ბატალიონის „ფეისბუკის“ გვერდზე მოჰყავთ ვიტალი ორბელაძის მეუღლის, ელენა ივანოვნას სიტყვები: „ის იყო მამაცი, თავდადებული ადამიანი. მოსიყვარულე მეუღლე, მამა და ბაბუა. მიუხედავად იმისა, რომ ხუთი მათგანი მისი ბიოლოგიური შვილი არ ყოფილა, ის მათი მენტორი და ერთგული მეგობარი გახდა, ვისაც რთულ დროს შეიძლება, რომ დაეყრდნო. ჩვენი ორი შვილი, რომანი და რუსლანი ასევე ჯარში არიან და ჩვენი ქვეყნის თავისუფლებისთვის იბრძვიან.“
უკრაინაზე რუსეთის თავდასხმის შემდეგ, 24 თებერვლიდან, უკრაინაში 10 ქართველი მებრძოლი დაიღუპა