ვერ მოვუწოდებ, იმიტომ რომ არ ვიცი რა წამლებზეა ლაპარაკი და როგორ უნდა მოვუწოდო? არ ვიცი მე რამდენად სამკურნალოა ეს წამლები, – ასე უპასუხა გიული ალასანიამ ჟურნალისტის შეკითხვას, როგორც მშობელი, თუ მოუწოდებდა სააკაშვილს, მიეღო წამლები.
რაც შეეხება გასეირნებას, გიული ალასანიას თქმით, ეს მძიმე პროცედურაა, რაც სააკაშვილის ნერვულ სისტემას აზიანებს.
„გასეირნებაზე უარს ამბობს ზუსტად ვიცი, იმიტომ, რომ ეს არის ძალიან მძიმე პროცედურა, წარმოიდგინეთ ბორკილებს ადებენ ხელზე, მერე კიდე გზაში რა მოხდება არავინ იცის, მავთულხლართები და ის, ეს ყველაფერი ის არის, რაც მის ნერვულ სისტემას ძალიან აზიანებს“ – განაცხადა გიული ალასანიამ.
მიხელ სააკაშილის ოჯახის წევრებმა განაცხადეს, რომ თუ ორშაბათამდე მსჯავრდებულ ყოფილ პრეზიდენტს საზღვარგარეთ სამკურნალო დაწესებულებაში არ გადაიყვანენ, პერმანენტულ აქციებს დაიწყებენ.