მათი თეორიული მოსვლა ხელისუფლებაში ნიშნავს იმას, რომ ჩვენ სამუდამოდ დავემშვიდობოთ ჩვენს ძირძველ ტერიტორიებს და ამ ტერიტორიების დაბრუნების უზენაეს იდეას, – ამის შესახებ პრემიერ-მინისტრმა ირაკლი ღარიბაშვილმა „იმედის კვირაში“ განაცხადა.
„დღესაც ამბობენ [„ნაციონალური მოძრაობა“], რომ მზად არიან გახსნან მეორე ფრონტი, დაიწყონ ომი. რომ დაბრუნდნენ ხელისუფლებაში, ეს ხომ წარმოუდგენელია და არ მოხდება, არ დავუშვებთ ქართველ ხალხთან ერთად. მათი თეორიული მოსვლა ხელისუფლებაში ნიშნავს იმას, რომ ჩვენ სამუდამოდ დავემშვიდობოთ ჩვენს ძირძველ ტერიტორიებს და ამ ტერიტორიების დაბრუნების უზენაეს იდეას. მე დიდი ოპტიმიზმით ვარ გამსჭვალული და ოპტიმიზმით ვუყურებ ჩვენს მომავალს. მჯერა, რომ ჩვენი ქვეყანა გაერთიანდება. გაერთიანების შემთხვევაში, მჯერა ეს მალე მოხდება, აბსოლუტურად სხვანაირი ქვეყანა გავხდებით. ამ უზენაესი და დიადი მიზნებისთვის, ამ იდეისთვის უნდა ვიშრომოთ ყველამ და ჩვენ ჩვენი აგური უნდა დავდოთ. უნდა დავიცვათ ჩვენი ქვეყანა, ქვეყნის მშვიდობა, სტაბილურობა, ჩვენი ხალხის უსაფრთხოება. მე ამისთვის როგორც პრემიერ-მინისტრი, როგორც ჩვენი გუნდის წევრი, გავაკეთებ მაქსიმუმს. ჩვენგან იქნება აბსოლუტურად უკომპრომისო ბრძოლა“, – აღნიშნა პრემიერმა.