ბათუმში, გვიან ღამით, წვრილმანი ხულიგნობისა და პოლიციელის მოთხოვნისადმი დაუმორჩილებლობის ბრალდებით, შვიდი პირი დააკავეს. მათ შორის ერთ-ერთი არასრულწლოვანია.
შსს-ს ცნობით, აღნიშნული პირები ერთ-ერთი რესტორნის მიმდებარე ტერიტორიაზე ერთმანეთს ფიზიკურად დაუპირისპირდნენ, რის გამოც შემთხვევის ადგილზე პოლიცია გამოცხადდა.
შინაგან საქმეთა სამინისტროს პრესსამსახურის ინფორმაციით, აღნიშნულმა პირებმა ადგილზე მისულ სამართალდამცველებს წინააღმდეგობა გაუწიეს და დაკავებულ იქნენ ადმინისტრაციულ სამართალდარღვევათა კოდექსის 166-ე და 173-ე მუხლებით, რაც წვრილმან ხულიგნობასა და სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობას გულისხმობს. საკითხზე ბათუმის საქალაქო სასამართლოში პროცესი მიმდინარეობს.
კომენტარები