სააპელაციო სასამართლოში მკვლელობის მომზადებისთვის დაკავებული დეკანოზის გიორგი მამალაძის ადვოკატების სარჩელი შევიდა. ამის შესახებ ინფორმაციას , ტელეკომპანია ,,იბერია” ავრცელებს.
ადვოკატები აღმკვეთი ღონისძიების სახით პატიმრობის გაუქმებას ითხოვენ. ჯერჯერობით უცნობია მიიღებს თუ არა სარჩელს წარმოებაში მეორე ინსტანცია.
სააპელაციო სასამართლოს 72 საათი აქვს იმისთვის, რომ გადაწყვიტოს მიიღებს თუ არა სარჩელს წარმოებაში.
შეგახსენებთ, რო დანაშაულის მომზადების ბრალდებით საქართველოს პროკურატურამ დეკანოზი გიორგი მამალაძე დააკავა. პროკურატურის ინფორმაციით, დეკანოზი ციანიდის მჟავით უმაღლესი რანგის სასულიერო პირის მკვლელობას გეგმავდა. გიორგი მამალაძეს პროკურატურა აღმკვეთი ღონისძიების სახით პატიმრობა შეუფარდა და ახლა ის მატროსოვის ციხეში იმყოფება.
კომენტარები