”მე ძალიან კარგად ვიცნობ მამა გიორგის და ვიცი, რა პრობლემები იყო, რასაც ის ებრძოდა, რაზეც ის მუშაობდა, კერძოდ ქონებებზე”, – ამის შესახებ პატრიარქის დაცვის უკვე ყოფილმა უფროსმა სოსო ოხანაშვილმა ”რუსთავი 2”-ის გადაცემაში ”პოსტსკრიპტუმი” განაცხადა.
კითხვაზე, სჯერა თუ არა, რომ შესაძლოა მამალაძეს ვინმეს მოკვლა უნდოდა, ოხანაშვილმა განაცხადა, რომ ამის არ სჯერა.
”მამა გიორგი არ არის ის ადამიანი, ვინმეს მოკვლა შეეძლოს. ამაზე ფიქრი თავში არც მომდის, უბრალოდ ის არის იმ უსამართლობის მსხვერპლი, რაც მე ჩემს შესახებ ვახსენე. ეს არის ეკლესიის მტრების მიერ კარგად ორგანიზებული, დიდი ხნის წინ დაგეგმილი მზაკვრობა, რაც სისრულეში მოიყვანეს. სამწუხაროდ, ციხე შიგნიდან ტყდებაო და მე დარწმუნებული ვარ, რომ შიგნიდან არიან ჩარეულები”, – აღნიშნა სოსო ოხანაშვილმა.
კომენტარები