“დეკანოზი გიორგი მამალძე ჩემი ძმისშვილის ნათლიაა”

ჟურნალისტ ირაკლი მამალაძის თქმით, მას ძალიან აქტიური კავშირი ჰქონდა მამა გიორგი მამალაძესთან.

,, მე ძალიან აქტიური კავშირი მქონდა მამა გიორგისთან და მის უკან თუ მის გვერდით მდგომ ადამიანებთან. დეკანოზი გიორგი მამალაძე ჩემი ძმისშვილის ნათლიაა”, – განაცხადა ირაკლი მამალაძემ.

მისი თქმით მთავარმა პროკურატურამ საგანგებო ბრიფინგი იმ ინფორმაციის საფუძველზე გამართა, რაც ირაკლი მამალაძემ მიაწოდა. მთავარი მოწმის თქმით, მას პროკურატურას მიმართა იმიტომ, რომ ,,მაღალი სასულიერო იერარქიის ლიკვიდაციის საფრთხე” დაინახა.

,,მთავარმა პროკურატურამ საგანგებო ბრიფინგზე თქვა – ერთ-ერთი მოქალაქის განცხადების საფუძველზე შევიტყვეთ, რომ იგეგმებოდა მაღალი სასულიერო იერარქის მკვლელობა! ეს სრული სიმართლეა!”, – განაცხადა ირაკლი მამალაძემ.