ბიზნესმენი ქიბარ ხალვაში ტელეკომპანია „რუსთავი 2“-ის ჟურნალისტებს მოუწოდებს, ნიკა გვარამიას განცხადებებს ყურადღება არ მიაქციონ და ვისაც ტელეკომპანიაში დარჩენა სურს, მუშაობა გააგრძელოს. ამასთანავე, ქიბარ ხალვაში უზენაესი სასამართლოს გადაწყვეტილებით კმაყოფილია და საკუთარ თავს ბედნიერ ადამიანს უწოდებს.
როგორც ქიბარ ხალვაში აცხადებს, იგი არხის გაყიდვას არ გეგმავს და არც ნიკა გვარამიასთან საუბარს აპირებს.
„ძალიან ბედნიერი ვარ სასამართლოს გადაწყვეტილებით. ვაპირებთ, რომ ტელეკომპანია იყოს ისევ ლიდერი და ხალხისთვის სასარგებლო ტელევიზია. „რუსთავი 2“- ში მივალ, როცა ამის საშუალება იქნება. 9 წელი უსამართლობას ემსახურებოდნენ, გვარამიას ნათქვამს თქვენ ყურადღებას ნუ მიაქცევთ, ეს ადამიანი მთელი ცხოვრება უსამართლობას ემსახურება . ყველა პროფესიონალი ადამიანი, ვინც სამსახურში მუშაობს და ვისაც სურვილი აქვს, ჩვენთან ერთად იმუშაოს „რუსთავი 2“- ში იმუშაოს, ყველა იქ იქნება და იმუშავებს“, – აცხადებს ქიბარ ხალვაში.
რას სთავაზობს ქიბარ ხალვაში “რუსთავი 2”-ის თანამშრომლებს?
2017/03/03 11:32:33
ნანახია: 2151 ჯერ