სიმბოლური იყო, რომ გადაწყვეტილება დაემთხვა 9 აპრილს, 9 აპრილს ჩვენ კიდევ ერთხელ დავამარცხეთ რუსული ოკუპაცია, – ამის შესახებ „ქართული ოცნების“ წევრმა, რატი იონათამიშვილმა განაცხადა.
დეპუტატის თქმით, როგორც ჩანს, ოპოზიციის წარმომადგენლებს არ აინტერესებთ, რომ საქართველო რუსეთს ამარცხებს, რადგან სტრასბურგის სასამართლოს გუშინდელ განცხადებას არ გამოხმაურებიან.
„მნიშვნელოვანია, რომ ეს საქმეები, რაც მანამდე იყო, 2008 წლის ომის შეფასება სტრასბურგის მიერ, შემდეგ 90-იანი წლების ოკუპაციის და დღეს უკვე ბორდერიზაციის და ოკუპაციის განგრძობითობა, შეფასდა სტრასბურგის სასამართლოს მიერ. ერთადერთი, რაც სამწუხაროა, ოპოზიცია არ გამოეხმაურა ამ საკითხს და არ აღნიშნა. როგორც ჩანს, საერთოდ არ აინტერესებთ ის, რომ საქართველო ამარცხებს რუსეთს, როგორც სტრასბურგის, ისე ევროპის სასამართლოებში“, – განაცხადა იონათამიშვილმა.