ჯო ბაიდენის წინასაარჩევნო კამპანიამ LGBTQ ამომრჩევლების მხარდაჭერის მოსაპოვებლად ახალი კამპანია გამოაცხადა. ინფორმაციას ამის შესახებ ამერიკული ტელეკომპანია Fox News-ი ავრცელებს.
„მაშინ, როდესაც ბაიდენი ცდილობს თეთრ სახლში კიდევ ერთი ვადით დარჩენას, მიუხედავად იმისა, რომ ისტორიულად დაბალი რეიტინგი აქვს, ბაიდენისა და ჰარისის გუნდმა Out for Biden-Harris-ის [ბაიდენისა და ჰარისისთვის] კამპანიის დაწყება გამოაცხადა. კამპანია აღწერს პროგრამას, როგორც ძალისხმევას LGBTQ+ ამომრჩევლებისა და თემის წევრების [მხარდაჭერის] მობილიზებისთვის მთელი ქვეყნის მასშტაბით“, – წერს Fox News-ი.
განცხადებაში ბაიდენისა და ჰარისის 2024 კამპანიის მენეჯერმა, ჯული ჩავეს როდრიგესმა განაცხადა, რომ LGBTQ+ ამომრჩევლები ანგარიშგასაწევი ძალაა.
„LGBTQ+ ამომრჩევლებმა გადამწყვეტი როლი ითამაშეს ჩვენს გამარჯვებაში 2020 წელ და გადამწყვეტ როლს ითამაშებენ ნოემბერში გამარჯვებაში“, – აღნიშნა ჯული ჩავეს როდრიგესმა.
კამპანიის განცხადებაში ასევე ნათქვამია, რომ ბაიდენისა და ჰარისის ადმინისტრაცია „ყველაზე პრო-LGBTQ+ ადმინისტრაციაა ისტორიაში“ და LGBTQ+ ამომრჩევლები განიხილებიან, როგორც არჩევნებში გამარჯვების სტრატეგიის ძირითადი ნაწილი.