არაჩვეულებრივი შეხვედრები გვქონდა კანცლერთან, ბუნდესტაგის თავმჯდომარესთან და გერმანიის პრეზიდენტთან. ჩვენი მთავარი ამოცანაა, შევინარჩუნოთ და კიდევ უფრო გავაძლიეროთ ის თანამშრომლობა, რომელიც ორ ქვეყანას შორის არსებობს, – ამის შესახებ ჟურნალისტებს პრემიერ-მინისტრმა, ირაკლი კობახიძემ განუცხადა.
„ჩვენ დავასრულეთ ოფიციალური ვიზიტი გერმანიაში. გვქონდა სამი არაჩვეულებრივი შეხვედრა: კანცლერთან, ბუნდესტაგის თავმჯდომარესთან და გერმანიის პრეზიდენტთან. სამივე შემთხვევაში პირველ რიგში საუბარი გვქონდა ორმხრივ ურთიერთობებზე. გვაქვს არაჩვეულებრივი ურთიერთობები გერმანიასთან, გარდა ამისა, დინამიკაც არის ძალიან პოზიტიური. ჩვენი მთავარი ამოცანაა, რომ შევინარჩუნოთ და კიდევ უფრო გავაძლიეროთ ის თანამშრომლობა, რომელიც არსებობს ორ ქვეყანას შორის.
შევეხეთ თანამშრომლობის ყველა ასპექტს: პოლიტიკურ თანამშრომლობას, ეკონომიკურ თანამშრომლობას, განათლების, კულტურის სფეროში თანამშრომლობას. საუბარი გვქონდა თანამშრომლობის აბსოლუტურად ყველა განზომილებაზე“, – აღნიშნა კობახიძემ.