“ირანმა არ უნდა გააგრძელოს ესკალაციის გზა”

გერმანიის კანცლერმა, ოლაფ შოლცმა განაცხადა, რომ ირანმა არ უნდა გააგრძელოს ესკალაციის გზა. ინფორმაციას ამის შესახებ ტელეკომპანია CNN-ი ავრცელებს.

„ჩვენ მკაცრად ვგმობთ ირანის თავდასხმას [ისრაელზე] და ვაფრთხილებთ, რომ არ გადადგას შემდგომი ესკალაციისკენ მიმართული ნაბიჯები. ირანმა არ უნდა გააგრძელოს ეს გზა. ამავდროულად, ჩვენთვის სრულიად ნათელია, რომ ჩვენ სოლიდარულები ვართ ისრაელთან, რომელსაც აქვს სრული უფლება დაიცვას საკუთარი თავი“, – აღნიშნა გერმანიის კანცლერმა.

ირანმა შაბათს ისრაელის მიმართულებით ათობით ბალისტიკური რაკეტა გაუშვა. რაკეტების უმეტესობა საჰაერო თავდაცვის სისტემის მეშვეობით ჩამოაგდეს, ძირითადად ისრაელის საჰაერო სივრცის გარეთ. მთლიანობაში ირანმა ისრაელის მიმართულებით 300-მდე დრონი, ფრთოსანი და ბალისტიკური რაკეტა გაუშვა.