იმ კინტოს დაუკვეთეს, რომ ჩაეშალა სხდომა და გააკეთა ის, რაც გააკეთა, – ამის შესახებ პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილემ და საპარლამენტო უმრავლესობის წევრმა, ირაკლი ზარქუამ განაცხადა.
მისი თქმით, კომიტეტის სხდომაზე ვერ მოისმინა არგუმენტი, რატომ არის ფინანსების გამჭვირვალობა რუსული და დაფინანსების დაფარვა – ევროპული.
„ექვსი საათი ვუსმენდი, რომ ერთი არგუმენტი დაედოთ, რატომ არის ფინანსების გამჭვირვალობა რუსული და დაფარვა ფინანსებისა და დაფინანსების – ევროპული. ვერ გავიგე, ვის არ მოვუსმინე. ბოლოს რა გააკეთეს?! იმ კინტოს, არ ვიცი, რა მიზანი ამოძრავებდა, იმ კინტოს დაუკვეთეს, რომ ჩაეშალა სხდომა და გააკეთა ის, რაც გააკეთა, სამარცხვინო იყო, რაც ვნახეთ. არც მინდა ამის გახსენება“, – აღნიშნა ირაკლი ზარქუამ.