აშშ-ის ხაზინის მდივანმა, ჯანეტ იელენმა განაცხადა, რომ აშშ ირანის წინააღმდეგ სანქციებს რამდენიმე დღეში გააძლიერებს. ინფორმაციას ამის შესახებ სააგენტო Bloomberg-ი ავრცელებს.
„მოველი, რომ ჩვენ მივიღებთ დამატებით სანქციებს ირანის წინააღმდეგ უახლოეს დღეებში“, – აღნიშნა აშშ-ის ხაზინის მდივანმა.
ჯანეტ იელენის თქმით, ირანის მიერ ტერორიზმის დაფინანსების აღკვეთის ყველა ვარიანტი განიხილება.
ირანმა შაბათს ისრაელის მიმართულებით ათობით ბალისტიკური რაკეტა გაუშვა. რაკეტების უმეტესობა საჰაერო თავდაცვის სისტემის მეშვეობით ჩამოაგდეს, ძირითადად ისრაელის საჰაერო სივრცის გარეთ. მთლიანობაში ირანმა ისრაელის მიმართულებით 300-მდე დრონი, ფრთოსანი და ბალისტიკური რაკეტა გაუშვა.
კომენტარები