პარლამენტის პლენარულ სხდომაზე იურიდიულ საკითხთა საპარლამენტო კომიტეტის თავმჯდომარის, საპარლამენტო უმრავლესობის წევრის ანრი ოხანაშვილის გამოსვლა ოპოზიციამ შეაფერხა. ოპოზიციონერმა დეპუტატებმა დარბაზში წიგნების ბრახუნით და ხმაურით ოხანაშვილს საუბრის საშუალება არ მისცეს.
“მოსმენა არის ევროპული, მონობა არის რუსული, რასაც აკეთებთ. მოისმინეთ”, – მიმართა ოხანაშვილმა ოპოზიციონერ დეპუტატებს.
პარლამენტის თავმჯდომარემ კი ანა ნაცვლიშვილს მიმართა, წიგნი არა სარტყმელად, არამედ დანიშნულებისამებრ გამოეყენებინა.
“ქალბატონო ანა, წიგნი არის საკითხავად და არა სარტყმელად და დანიშნულებისამებრ რომ გამოიყენოთ, თქვენც წაგადგებათ და საქმესაც”, – განაცხადა პაპუაშვილმა.
მან გაფრთხილების შემდეგ თინა ბოკუჩავა და ანა ნაცვლიშვილი სხდომათა დარბაზიდან გააძევა.
კომენტარები