ამერიკულ გაზეთ The Washington Post-თან ინტერვიუში უკრაინის თავდაცვის სამინისტროს დაზვერვის მთავარი სამმართველოს ხელმძღვანელმა, კირილ ბუდანოვმა განაცხადა, რომ ომი გაგრძელდება მანამ, სანამ რუსეთში ამჟამინდელი რეჟიმი ხელისუფლებაში იქნება.
„შემდეგი რეჟიმის პირობებში, ეს შეიძლება შეიცვალოს ან არა, მაგრამ იქნება შესაძლებლობების ფანჯარა“, – აღნიშნა უკრაინის თავდაცვის სამინისტროს დაზვერვის მთავარი სამმართველოს ხელმძღვანელმა.
ბუდანოვმა ხაზგასმით აღნიშნა, რომ პუტინმა ომის დაწყებით სტრატეგიული შეცდომა დაუშვა.
„მაგრამ რუსების მიერ ძალების აღდგენა სწრაფად ხდება და ეს ფაქტია, რომელიც უნდა გახსოვდეთ. მათ ეს ათეულჯერ დაამტკიცეს. ჩვენ სათანადოდ უნდა შევაფასოთ ეს მახასიათებელი“, – დასძინა მან.
კომენტარები