საზოგადოება მიხვდა, რომ ამ კანონის საწინააღმდეგო არგუმენტები, არ არსებობს, – ამის შესახებ „ხალხის ძალის“ აღმასრულებელმა მდივანმა გურამ მაჭარაშვილმა გამჭვირვალობის შესახებ კანონპროექტზე საუბრისას განაცხადა.
„ამ დღეების განმავლობაში, განსაკუთრებით პრემიერ-მინისტრის შეთავაზების შემდგომ, თუ ვინმეს, განსაკუთრებით უცხოელ დიპლომატს ჰქონდა კითხვები, ქვეყნის პირველი პირია მზად, რომ გასცეს პასუხები. საზოგადოება მიხვდა, რომ ამ კანონის საწინააღმდეგო არგუმენტები, არ არსებობს“, – განაცხადა მაჭარაშვილმა.
„უცხოური გავლენის გამჭვირვალობის შესახებ“ კანონპროექტი ისევ გააპროტესტეს პარლამენტის წინ. ორგანიზატორები ამჯერად მოძრაობები – „ჯიუტი“ და „დაფიონი“ იყვნენ. შეკრება 19:00 საათზე დაიწყო, რის შემდეგაც აქციის მონაწილეებმა კანცელარიასთან და „ქართული ოცნების“ ოფისთან გადაინაცვლეს.