გიორგი მიქაუტაძემ საფრანგეთის „ლიგა ერთის“ მორიგ ტურში გოლი გაიტანა. გათამაშების 30-ე ტურში საქართველოს ნაკრების წევრის „მეცი“ „ლე ავრს“ ესტუმრა. ქართველმა ფეხბურთელმა მეტოქის კარი მეორე ტაიმის დასაწყისში აიღო. შეხვედრა „მეცის“ გამარჯვებით, ანგარიშით 1:0 დასრულდა.
მიუხედავად იმისა, რომ მიქაუტაძემ ნახევარი სეზონი „აიაქსში“ გაატარა, მას საფრანგეთის ჩემპიონატში უკვე 10 გოლი აქვს გატანილი.
ამ გამარჯვების შემდეგ, „მეცი“ სატურნირო ცხრილში 29 ქულით მე-15 ადგილს იკავებს და გასავარდნი ზონა დატოვა.
კომენტარები
