“დღეს “ქართული ოცნების“ რეიტინგი 60%-ს აჭარბებს ხოლო ერთადერთ ოპოზიციურ პარტიას რომელიც ბარიერის გადალახვას ახერხებს, მხოლოდ 12%-იანი რეიტინგი აქვს”

სოციოლოგიური კვლევების თანახმად, დღეს „ქართული ოცნების“ რეიტინგი 60 პროცენტს აჭარბებს, ხოლო ერთადერთ ოპოზიციურ პარტიას, რომელიც ბარიერის გადალახვას ახერხებს, მხოლოდ 12-პროცენტიანი რეიტინგი აქვს, – ამის შესახებ „ქართული ოცნების“ განცხადებაშია აღნიშნული, რომელიც ცოტა ხნის წინ გავრცელდა.

„ამ ფონზე, პოლიტიკურად გაკოტრებული რადიკალური ოპოზიცია, მდიდარი „ენჯეოები“ და ე.წ. პრეზიდენტი ხალხის სახელით გვესაუბრებიან, რაც ჩვენი მხარდამჭერების, საქართველოს მოსახლეობის აბსოლუტური უმრავლესობის სამართლიან გაღიზიანებას იწვევს.

ვითვალისწინებთ ჩვენი მხარდამჭერების თხოვნას და მომავალ ორშაბათს, 29 აპრილს, საქართველოს პარლამენტის სასახლის წინ ვატარებთ საყოველთაო-სახალხო შეკრებას“, – აღნიშნულია განცხადებაში.