თბილისში ახალი სტადიონის შესახებ მთავრობის გადაწყვეტილებას სპორტსმენები აფასებენ. კომენტარი ამ თემაზე ეროვნული საფეხბურთო ნაკრების წევრმა გიორგი წიტაიშვილმა გააკეთა.
„ყველას უნდა, რომ უკეთესი გააკეთოს ნაკრებისა და ფეხბურთელებისთვის. ჩვენთვისაც ეს უფრო მეტი მოტივაციაა. ლამაზ, სავსე 70-ათასიან სტადიონზე მე არასოდეს მითამაშია. ჩემთვისაც ძალიან დიდი მოტივაციაა და, იმედია ვითამაშებ ამ სტადიონზე“, – აცხადებს წიტაიშვილი.
თბილისში ახალი სტადიონი აშენდება. მშენებლობა ახალი აეროპორტის ტერიტორიაზე იგეგმება. ამასთან, პრემიერ-მინისტრმა მთავრობის სხდომაზე განაცხადა, რომ საქართველო 2028 წლის ჩემპიონთა ლიგის ფინალის მასპინძლობისთვის განაცხადს გააკეთებს.
კომენტარები