დღევანდელი დღე საგზაო ინფრასტრუქტურის განვითარებისთვის ისტორიულია – აღვნიშნავთ საქართველოში ყველაზე გრძელი, ქვეშეთი-კობის 9 კმ სიგრძის უწყვეტი საავტომობილო გვირაბის გაჭრას, – ამის შესახებ საქართველოს პრემიერ-მინისტრმა ირაკლი კობახიძემ ქვეშეთი-კობის საავტომობილო გვირაბის გაჭრის დასრულებასთან დაკავშირებულ ღონისძიებაზე სიტყვით გამოსვლისას განაცხადა.
ახალი გზა მნიშვნელოვნად – 45 წუთით შეამცირებს გადაადგილების დროს.
გვირაბი სპეციალურად ამ პროექტისთვის შექმნილი ინოვაციური საბურღი დანადგარით – TBM-ით გაიჭრა.
ახალი 23 კმ-იანი გზა, რომელიც მოიცავს ხუთ გვირაბს, მკვეთრად გააუმჯობესებს საგზაო უსაფრთხოების სტანდარტებს და როგორც მოსახლეობის, ისე ქვეყნის სტუმრების უსაფრთხო და კომფორტულ გადაადგილებას უზრუნველყოფს.
კომენტარები