საფრანგეთის პრეზიდენტმა, ემანუელ მაკრონმა პირობა დადო, რომ საფრანგეთში მომდევნო 10 წლის განმავლობაში მილიარდი ხე დაირგება. ინფორმაციას ამის შესახებ გამოცემა EURACTIV-ი ავრცელებს.
როგორც გამოცემა EURACTIV-ი აღნიშნავს, გარემოსდამცველები ეჭვობენ, მიაღწევს თუ არა აღნიშნული პროგრამა ბიომრავალფეროვნებისა და კლიმატის დასახულ მიზნებს.
დასახული მიზნის თანახმად, 2032 წლამდე ყოველწლიურად დაახლოებით 100 მილიონი ხე უნდა დაირგოს.
თუმცა, ზოგიერთი მეცნიერი და გარემოსდაცვითი არასამთავრობო ორგანიზაცია შიშობს, რომ მაკრონის ინიციატივა ზედმეტად ორიენტირებულია სატყეო მეურნეობის კომერციულ სარგებლობაზე.
კომერციული მიზნებით მოყვანილი ხეების გავლენა კლიმატისა და ბიომრავალფეროვნების მიზნებზე უფრო კომპლექსურია და დამოკიდებულია იმაზე, თუ როგორ იზრდება ხეები.
კომენტარები