თურქეთმა გააკრიტიკა აშშ-ის სახელმწიფო დეპარტამენტის ადამიანის უფლებების შესახებ 2023 წლის ანგარიში. ინფორმაციას ამის შესახებ თურქული მედია ავრცელებს.
„ჩვენ ვიმეორებთ ჩვენს მოწოდებას შეერთებული შტატების მიმართ, ყურადღება გაამახვილოს ადამიანის უფლებების საკუთარ ისტორიაზე, ასევე შეწყვიტოს პარტნიორობა ტერორისტულ ორგანიზაციებთან და ადამიანის უფლებების სფეროში ორმაგი სტანდარტების პოლიტიკა“, – ნათქვამია თურქეთის საგარეო უწყების განცხადებაში.
თურქეთის საგარეო საქმეთა სამინისტროში ასევე განაცხადეს, რომ სახელმწიფო დეპარტამენტის ანგარიში შეიცავს უსაფუძვლო ბრალდებებსა და მცდარ ინფორმაციას.
„თურქეთი მტკიცედ რჩება დემოკრატიის, ადამიანის უფლებებისა და კანონის უზენაესობის პრინციპების ერთგული,მრავალმხრივი ტერორისტული საფრთხის მიუხედავა“, – აღნიშნულია განცხადებაში.