ბრაზილიის ქალაქ პორტუ-ალეგრიში საოჯახო სასტუმროში გაჩენილი ხანძრის შედეგად, სულ მცირე, 10 ადამიანი დაიღუპა, 11 დაშავდა, – ამის შესახებ Reuters-ი წერს.
ხანძრის გაჩენის შესაძლო მიზეზებზე პოლიცია ინფორმაციას ჯერჯერობით არ ფლობს.
სახანძრო დეპარტამენტის თანახმად, სასტუმროს შენობაში ოთახები ერთმანეთთან ძალიან ახლოს იყო, ამიტომ ცეცხლი მარტივად გავრცელდა და იქ მყოფებს სასტუმროს დროულად დატოვება გაუჭირდათ.
მედიის ინფორმაციით, დაწესებულებას საოჯახო სასტუმროდ მუშაობის ლიცენზია და ხანძრის შემთხვევაში საგანგებო გეგმა არ ჰქონდა.
კომენტარები