იურიდიულ საკითხთა საპარლამენტო კომიტეტის თავმჯდომარე ანრი ოხანაშვილმა კომიტეტის სხდომიდან ამჯერად ოპოზიციონერი დეპუტატი თამარ კორძაია გააძევა და სხდომაზე ტექნიკური შესვენება გამოაცხადა.
ანრი ოხანაშვილის განმარტებით, თამარ კორძაია მეორე მოსმენით განხილვის რეგლამენტს არ იცავდა და სიტყვა ჩამოართვა.
„ქალბატონო თამარ, თქვენ რას ფიქრობთ, სიტყვა მიზანს რომ გამოიყენებთ, რომელიც პირველ მუხლშია გამოყენებული, ეს ნიშნავს, რომ პირველ მუხლს უკავშირებთ საკითხს? პირველი მოსმენით დადგენილი წესით სვამთ შეკითხვას. სიტყვა ჩამორთმეულია“, – მიმართა მან თამარ კორძაიას.
კომიტეტის სხდომაზე „უცხოური გავლენის გამჭვირვალობის შესახებ“ კანონპროექტი მეორე მოსმენით, მუხლობრივად განიხილება.
კომენტარები